الجزء التاني | مدرستي بموت فيكي

مدرسة


والله همك كبير يا قلبي ومين بيسمعك


يعني شو الله جابرك تروح مدام همك كبير غير العصاية


لا تقولي بدي أتعلم وبدي أكون مطيع وأرد ع ابوي او ع امي ..


هالكلام صار موضة قديمة


صارت المدرسة هلأ للفياعة ونكش الروس وتفريغ الطاقات واظهار المواهب


حابين تعرفو كيف


ناخدها نقطة نقطة لنخلص السطر


1) الفياعة :

وتم تفصيلها بشكل مفصل مبسط واضح صريح صعب سهل منكوش من الاشياء

بالجزء الاول من الاشي ،، ع هاد الرابط ،، شوفو ..
https://mz3t.yoo7.com/montada-f20/topic-t1292.htm


تاني شي من الاشي

2) نكش الروس



الاشي بنقسم لقسمين : 1- طالب 2- طالبة


نبدا بنكش الراس من الطالب


قاعد بالصف سرحان وريالتو نازلة ، بحصة لرياضيات والاستاز ماكل زفت وبشرح وعرقو بنزل

لف وجهو الاستاز ع اللوح عشان يكتب مثال ع اساس يعني يفهمهم يااه

طبعن لف وجهو من هون ع اللوح وعينك ما تشوف الا الطباشير زخ مطر عليه

مين ضرب .. الله أعلم !!


بطلع الاستاز من الصف بعد متخلص الحصة وبكون بين كل حصة وحصة 5 دقايق بريك يعني

طبعن الطالب المفروض يستغل الـ 5 دقايق استغلال سليم ومفيد ويحضر للحصة اللي بعدها

بحضر للحصة التانية ع طريقتو طبعن

ورا باب الصف بكون في بعد عنكو سلة لزبالة

بحملها وبسكر الباب نص تسكيرة وبحط فوق الباب سلة لزبالة >> بزبط اللغم

ما بيبجي موعد الحصة التانية والاستاز المسكين اللي مش عارف شو رح يصير في

بفوت ع الصف وبفتح الباب

اووووبس سلة لزبالة صارت جوا راسو


وراحت الحصة مين حط السلة فوق الباب ومين حط السلة تحت الباب
ويجعلهم لا درسو وانكش يابا انكش


اجت بعدها حصة تانية ، طبعن الطالب المفروض يحضرها

وانتو عارفين شو يعني تحضير

ولا كيف بدنا ندرس وننجح ،،، اصول الشغل طبعن طبعن

دور الاستاز التاني

افقع قنبلة بيض هاي ام شيكل ونص اللي ازا بتشم ريحتها بتوقع الجهاز التنفسي يصيبو شرط

ويصير يحكيلك : الجهاز التنفسي هنا مرحبا ، لا يمكن شم الروائح حاليا ،، الرجاء المحاولة فيما بعد ..




وكنسل اليوم الدراسي كنسل وانكش راس وبلا دراسة بلا بطيخ ..




نيجي للقسم التاني من الموضوع

الطالبة البنوتة الامورة ام كنفوش

اللي بتعمل فيها بابي ومامي قدام فلان وعلان وقدام المس البسة بتاكل عشاها ومن وراها
يا رب سترك ...


بأول حصة والنعس ع وجوهم واضح للـ مِس بس والنكش لسا ع الطريق

بتمد أيدها ع شعرها بتطول بوكلة وبتفك مغيطة من دنبة من شعراتها

واسلخ وسسسسسس ع الـ مِسسسسسس

بنص خلقتها وضاعت الحصة ...


حصة تانية المس تاعتهم يحرام ع امل بطالباتها وبتحكي وبتشرح ..

والبنوتات بحضرو للفلم القادم اللي رح يصير بالمس ..

حبة مسكة ممكن تفك زنقة

ويحطوها ع كرسي الـ مِس

ويا مس ارتاحي والله تعبتي بكفيكي وقفة ارتاحي يا مِس

امانة امانة ..

وبترجو فيهم ترتاح من الوقفة وهي تشرح

والـ مِس يا حرام مفكرة الطالبات خايفين عليها وبحبوها

مش دارية انو الفلم تم تنفيذو وقرب يتحقق

وتقعد المس ع الكرسي

وازا هي جدعة تقوم من تاني


وعلقت المسكة ع الاشي تاع المس



وكنسل اليوم الدراسي كنسل


وببالاخر ما بنحكي الا بموت فيكي يا مدرستي



--------------------
طبعن هاي الدواوين مواقف نكش راسية بس ، ما وراء الكواليس بنفوت وبنحكي عنو بعدين بجزء خاص
----------------------



وهيك خلصنا تاني نقطة وهي نكش الروس

وضل إظهار المواهب وتفريغ الطاقات

وبنستكمل معاكو

الاشي بموضوع جديد من سلسلة مواضيع مدرستي بموت فيكي